فقير ..ماشى فى الشارع..لقى جوهرة شكلها رائع.. قال : اخيراً راح بيعها واغتني وصير من أصحاب الأموال. راح وداها لواحد بيشترى مجوهرات...فحصها..قلو هي فالصو ! هالفقير ماصدق وقالو انت كذاب وحرامي وعينك فيها وبدك تسرقها مني و و و...الخ تركو وراح لبياع تاني...قلو فالصو...صار يشتمو ويسبو متل اللى قبلو.. مر على ٤ غيرهن...قالولوا فالصو...ونالهم منو متل مانال اللي قبلهم ! لحد ما راح لواحد...توسم فيه الرجل الصالح...عطاه الجوهرة وقلو رحت لعند كذا واحد يفحصها ويقلي فالصو..وانت الوحيد اللى راح تقلي الحقيقة..فحصها.. قلو ها كنز..وجوهرة ما بتتقدر بثمن... الفقير :ممتاز بتشتريها مني. قلو هي ما بتتقدر بثمن . ومابقدر ع دفع ثمنها... و اللي بيقدر على ثمنها الملك... استني لما بيجي تعرضها عليه...واكيد بيشتريها منك.. قلو طيب الملك ايمت بيجي ؟ قلو مابعرف ماإلو مواعيد... انا ممكن شغلك عندي عامل وتتعلم المهنة وبعطيك اجرتك كل يوم، بتكفيك انت وولادك ...ولما بيجي الملك عرضها عليه... بعد شهور... الفقير اتعلم الصنعة...وصار يفحص اي جوهرة بنفسو ويعرف إذا كانت حقيقية ولا فالصو... اجا اليوم المنتظر...إجا الملك... ركض الفقير وجاب الجوهرة ليعرضها ع الملك... قال لحالو. لافحصها أنا قبل ما أعرضها للملك... فحصها ....لقاها فالصو !!! بنفسو اكتشف إنها فالصو.. طبعا ماقدر يعرضها للملك....والملك مشي... رجع للرجل...قلو انا فحصتها لقيتها فالصوا...ليش ماقلتلي انها فالصو !! قلو...لو كنت قلتلك فالصو ..كنت شتمتني وسبيتني متل اللى قبلي. أنا عملت معك معروف وعلمتك الصنعة وصرت تكسب من هالصنعة و إنت بنفسك اكتشفت إنها فالصو !!.. غير هيك كنت رح تضل عايش طول عمرك بالوهم. وما راح تتعلم ولا تتغير ومقتنع انو معك جوهرة ثمينة وهيي فالصو ! . فى بعض الناس شايفين حالهن جوهرة ما لها نظير وشغلة كبيرة... وبالحقيقة هنن فالصو وماكلين بحالهن كم .. لو ركزوا وانتبهوا شوي لنفسهن...بيلاقو فيها شغلات كتير فالصو ..مو حقيقة..مزيفة..مخدوعين فيها .. او حتى مابيعرفوا الفالصو من الحقيقي حطو نفسكم ببيئة بتتعلموا وتتطوروا فيها ....👌
ليست هناك تعليقات:
إرسال تعليق